رد الفنان المصري تامر حسني على منتقدي فيلمه "تاج"، الذي يُعرض حاليًا في السينما بشأن اتهامه بتزوير أرقام إيرادته، ووصفهم بأنهم "لجان مأجورة"، موجهًا شكره للإعلامية ياسمين عز بعد دفاعها عنه.

ودوَّن حسني رسالة طويلة عبر الستوري على إنستغرام، جاء فيها: "زمن غريب والله، بنلوم المجتهد إللي بيألف وبيخرج، وسايبين الكسلان، وضعاف النفوس، يكفيني شرفًا أن فيلم بحبك صاحب أعلى إيرادات في تاريخ السينما العربية دوليًا".

وأضاف: "فيلم تاج تم بيعه بنجم شباك 1 مش تجميعة نجوم، ودي حاجة تحسب للفيلم، وبعملها كل سنة الحمدلله، وکونه نوعًا جديدًا للسينما العربية يحسب للفيلم برضه، الفيلم الحمد لله تم توزيعه النهاردة عالميًا، أكيد دي حاجات بتزعل بعض ضعاف النفوس.. ولكن واقعها على الناس العقلاء جميلة إللي بيتمنوا الخير لابن بلدهم، وإللي حاجة زي كده بتشجعهم إنه مفيش مستحيل، ولا يمكن نبقى حافظين مش فاهمين".

وتابع تامر حسني: "أحب أطمنك يا ياسمين (الإعلامية المصرية ياسمين عز) إنه لا يصح إلا الصحيح، وخلي بالك الجمهور ذكي جدًا، ويمكن بسبب الحملات الساذجة دي الجمهور زاد طلبه على الفيلم، لأنه الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم، بدليل إيراداته الضخمة".

كما أوضح: "لو جبت أهم شركات في العالم عشان تقدم فكرة بالذكاء ده عشان أعمل دعاية لفيلمي ماكنتش هتوصل لربع المفعول الإيجابي إللي عملته الحملات واللجان المأجورة في إثارة فضول الناس إنها تروح تشوف الفيلم، والله مفعولهم مردودة أقوى من الدعاية إللي بندفع فيها الفلوس".

واختتم تامر حسني رسالته، قائلًا: "بالمرة نشيل من على شركة الإنتاج بند الدعاية عشان مكلف أوي، بصراحة ونسيبه على المغيوظين هما يدفعوه، ربنا ما يقطعلهم عادة، أحب أفرحك أكتر يا ياسمين فيلمي إللي جاي تصويري كمان، شكرًا لدفاعك عن الحق يا أحلى ياسمين".

فيلم "تاج"

ويُجسد حسني في الفيلم شخصية "سوبر هيرو". ويظهر مع كل من دينا الشربيني، وبيومي فؤاد، وتدور أحداثه في إطار اجتماعي يمزج بين الواقع والخيال، وهو تأليف تامر حسني، وإخراج سارة وفيق، في ثاني تعاون مع تامر حسني بعد فيلم "مش أنا".