التاريخ : 2015-01-06

الراي نيوز - اسمه الاول على وزن خازن وما حدى داري عنه وين كاين وغاطس ومش باين وللناس مش مساعد ولا عاين وعمره ما كان على المجلس ماين . اسمه الثاني على وزن جايين بطلع مع الطالعين وبرجع مع الراجعين وبحضر صايعين ضايعين وهو من جماعة النعسانين وكان بزمانه من المطلوبين وليس من المديونين وما هو مع الراضين ولا مع الزعلانين وعند قرايبه من المغضوبين وما أله على القوانين .. وبفكر الصيف بيجي كوانين.. اسمه ابو السفرات والرحلات وما أله صولات ولا جولات وشغل عرض عضلات وما بفهم يعمل البرلمانات وسوالفه كلها فرضيات ومعبي جيبته من المياومات وزي السيارة الخربانة مركون بالكراجات يتهاوش مع حاله وما بمون الا على عياله وعمره ما عنقر عقاله وعمل الخير عمره طاله .. والحظ رفعه وشاله ونايم بالمجلس ونياله. دق على صدره كثير وصوته طالع من بير وبصحى الصبح بكير ويفطر كبده وجرجير وشوف الصحة كيف بتصير ومع دلاس احجز بكير واحصل على سفر كثير قروي ويشرب من مية الزير وطاير زي الزرازير وبحلم يصير وزير وغياباته ما ألها تدبير هل عرفتم هذا الفقير.