التاريخ : 2014-10-23

الراي نيوز- اسمه الاول على وزن بصل وكان قاعد من غير شغل ختيار زمانه رحل وبوكل شيبس البطل ولبس الاورنج على عجل وبحب الطفايلة والجدل .. بدابوق ساكن وشكله داكن وابصر على ايش راكن وعلى العبدلي ماين وبالعقبة كاين وبزمانه بالملكية حمل الجراكن . عليه ملفات فساد من عشرين عام وامبارح كان بين الاعلام ويحب السهر والناس نيام ويعيش على الاحلام وعمرها ما جارت عليه الايام خربط الدنيا وكل يوم بعمل نظام . اسمه الثاني قريب من تاج مول وعيشته كلها كول وفارع فيه الطول وبفطر مسبحة وفول . ضعيف الشخصية وعمله لا يدل على سرعة البديهة والمفهوميه ونجاحه كان معجزة الهية وبحب الشطه صيف وشتوية وعمره ما دخل كلية وساكن قريب من الاشرفية ساعة بلبس قميص وساعة بلبس عباءة بردنية . بالمنصب مش لعيب ومكتبه كله كراكيب وبطلع طشي بالطرنيب وبس يشوفك بقلك هلا بالحبيب وانجازاته فش فيها اشي رهيب ونفسه يصير طبيب وبدون سنانه وبشرب حليب . في زمانه كا بنشرجي وبحي اليوسف افندي وبس يقع بقلك عندي والصبح شكله زي الهندي وما بعرف المنسف من المندي . بس يلمحك بقلك يا شين وشفايفه رطلين وبحب يخلي حاله بدين وعالكرسي ضايل يومين ..