الراي نيوز

اسمها الاول والاخير الشاهد وما بتخلي حدا قاعد ودايما اسهمها بالصاعد ومن كثر اقدميتها كل مكاتبها عليها جاعد ..

تتصدر الاسبوعيات ومشهورة بكل الوزارات وبحبوها اهل القرى والمحافظات ودخلها لا يعتمد على الاعلانات وليس لها معونات وبتحب الاردن ملكا وشعبا وحكومات ولا تعمل بالاجندات وتتميز بالجرأة والحريات.

.

ناشرها صخر ابو عنزة اردني مع مرتبة الشرف وعيشته كلها ترف وعلى سياراته يا الله شو صرف وكل خبر في الجريدة أله طرف ولكل خبايا السياسة عرف . بداوم الصبح بدري وبقول الشغل بيخزي خميس وجمعة بقضيها بالفندق وبحب الفزدق وبفتخر بالسلط واهلها وبجبالها وسهلها وذكرياته كلها مشاكل وما بعرف يلعب بناكل ..

ام معاذ بتشرف من بعيد والكل بشوفتها سعيد وملتهية بسند الحفيد .

.

ابو صخر معاذ مسافر على طول الايام ومن كأس العالم ما بنام وعالملكية قال يا الله السلام.

.

رئيس التحرير نظيرة بتحب قعدة البلكون وكل يوم لابسه لون ومفلسفة زي افلاطون وشايفة حالها زي نابليون وبطلعلها لانها سيدة الكون .

.

عبد الله العظم اكل قتله من النواب لانه ما بجامل وبوكل كباب ومزهقنا بالساخر وبنطلونه ساحل .

.

وفي الاجتماعي فريال بتزعل اذا ما في جرائم عال العال وبتوكل تفاح وبرتقال وبتسوي الهوايل وهي مرتاحة البال .

.

ربى العطار باللقاءات زي المنشار ومقالبها زي مقالب غوار مبدعة واصيلة ولا تكشف الاسرار وبالموقع شغاله مثل الشطار.

.

القادم الجديد هدى حموده مهنية ورمز للجودة بتشتغل بكل المجالات من التدقيق للاستطلاعات .

.

المصور حسن العلول الصبح بداوم مسطول .. زهقنا بده فلاشة و صلعته بلمعها بشاشة ..

تركي السيلاوي نايم وكله بلاوي وابصر على ايش ناوي وعدسته مثل الكاوي..

فراس ترك الاشتراكات وما حدا خالص من شر الاشاعات واصبح مدير للعلاقات وكل يوم بسوي كشف الخصومات .

القيسي بصف من غير اخطاء ولا يخلو من الدهاء وعند راتبه بصيبه بلاء صمام الامان العم خلف ابو صنوبر وكل عمله سوبر .

.

ايمن مخرجنا باقتدار ومسافر على اطهر الديار عشان يجوز ويصير ختيار . معاوية بالاخراج فنان وما بداوم الا نص الايام .

.

اما كاتب هذه الزاوية ابو عنزة معتز فالله يعينه شو بنام من غير هز وبحب اكل الرز ..