اسمه على وزن علف والصواني والكبسة نسف وبالمجلس مقطوع الوصف وما بعرف لا نحو ولا صرف ومعطوف على واو بلا عطف وبدور من اين تؤكل الكتف ومسكين ما عرف ونزل بالقروض جرف ورايح يبيع الفرش واللحف وما نصح ولا نحف.
اسمه الثاني على وزن قريب من هملان ودايما بتلاقيه مكشر وزعلان، وعنك مش سألان وبين النواب قاعد قرفان ومن الشعبطة عالباصات تعبان .. ومن جديد عرف عمان .. وبين الناس قاعد وعيان .. وما سمعنا اله كلمة بالبرلمان صيف شتا سهتان .. وما بنعرفله عنوان وللغور عاشق ولهان.. لا هو فالح ولا شاطر غير بالطرنيب وبدور على مصانع التعليب وعنك بعيد ومنك من قريب وكل شهر بستنا باليانصيب وشعاره يا بتصيب يا بتخيب بالمجلس مخشب تخشسيب وبين الناس يقول اتعيب وبارض الغور نازل تعشيب وعلى المناسف نازل بدون تشريب على شغله مش مواظب وماسك وقاضب ومن مية القناة شارب وما له لحيه ولا شارب وبين جماعته ما يعتبروه نايب ولشغله مهمل وسايب وشعر راسه من الهم شايب وما بحبوه الناس ولا القرايب وعند اللي ما بعرفوه يقول وراي كتايب وما بميز بين الشنينة والرايب..
صفوة .. "ليدر" البنوك الإسلامية
963 عقارا تملكها غير الأردنيين في المملكة منذ مطلع العام بانخفاض 13%
هل ينجح قرار تأنيث التعليم الأساسي في تحسين التحصيل .. ؟؟
توقيف فتاة أساءت لرجال الأمن العام في عمّان
الطاقة والمعادن" تتلقى طلبين للاستثمار في نشاط تعبئة أسطوانات الغاز المركبة
أجواء باردة نسبيا في أغلب المناطق اليوم
الجمارك: تُحذر من صفحات تدعي مزادات عبر روابط وهمية ورسائل احتيالية